موضوع مقالنا اليوم على موقع دليل الخليج الإخباري هو مشاهد من الصفوف الأولى | الميادين، نرجو أن ما جمعناه من المعلومات سوف ينال رضاكم واستمرارية دعمكم ومتابعتكم لنا.
بصّ لي قبل الموت وقال: أول الحرية، تبكي.
مشاهد من الصفوف الأولى
كان بيبكي وهو بيقول النشيد
كان وقتها صوت الرصاص أعلى
قولت له: “خايف”.. رد: “مش راجع”
إن عشت هيعود الوطن تاني..
وإن مت.. أكيد هناك أحلى
***
مش حقول وطنا أحن م الجنة.. لكن وطنا
واحنا أصحاب التراب
أحق بيه م الغرب
دوّر تلاقي جرحنا في القرب
صحيح دفنا الغراب
لكن شقيقي هو اللي بدأ الضرب
يوم ما انخدع بالسلام
يوم ما جري م الحرب
***
قول للعرب:
ليكو الدراهم والدينار
ليكو الأمان
واحنا أبناء الوطن، لينا رب
***
كان بيبكي وهو بيقول النشيد
قلت له: خايف؟
قال: لا.. دي فطرة الإنسان
وأنا عشت ببكي
وبدعي أموت ببكي
تقتلني دمعة بندقية بتبكي
***
كل البنادق والدموع صادقين
ما بيضحكوش بخبث ع المقتول
ويعرفوا.. اللي في عروقهم دم
واللي في قلوبهم صفّايات بترول
اللي فاكرين الوطن بفلوس
***
احنا اللي كفنا الوطن
ورقصنا دبكة
خناه على كل الموائد
ملينا جرحه بارود
خيطنا بالسونكي
دلوقتي دار الزمن
مستكترين يبكي
***
احنا اللي فرطنا في فلسطين؟
لا، فرطوا الحكام
كان كل حاكم بيسأل بعتوا ناسه بكام
مين اشتراه؟ مش مهم
كان الصراط مفرود والسراب قدام
واحنا اللي ماشيين ع العجين
***
بص لي قبل الموت وقال:
أول الحرية، تبكي
وفي الختام نأمل أن يكون مقالنا هذا على موقع دليل الخليج قد كفى ما تبحثون عنه فيما يتعلق بخصوص “مشاهد من الصفوف الأولى | الميادين”.
نأمل منكم عدم التردد في التواصل معنا في حال كان لديكم أي استفساراتٍ أخرى سواءً أكانت تخص مقالنا “مشاهد من الصفوف الأولى | الميادين” أو أي مقالٍ آخر تم نشره مسبقاً على موقع دليل الخليج.